Wrong Sign Board!
Ek Ghane Jungle Se Gujarti Hui Sadak Ke Kinaare Ek Gyani Guru Apne Chele Ke Saath Ek Signboard Lagaa Kar Baithe Huye The, Jis Par Likha Thaa:
Thahariye... Aapka Ant Nikat Hai ! Is Se Pehle Ki Bahut Der Ho Jaaye, Rukiye !!! Hum Aapka Jeevan Bacha Sakte Hain !
Ek Car Badi Tezi Se Wahaan Se Gujri. Chele Ne Driver Ko Board Padhne Ke Liye Ishaara Kiya.
Car Driver Ne Board Kee Taraf Dekhkar Aur Gaali Dee Aur Chele Se Yah Kahte Hue Nikal Gaya: Tum Log Yahan Jungle Mein Bhi Dhandha Kar Rahe Ho. Sharam Aani Chaahiye Tumko!
Chele Ne Badi Asahaye Nazron Se Guruji Ki Taraf Dekhta Hai.
Guruji Bole: Jaise Prabhu Ki Ichchha !
Kuchh Hi Der Mein Brakes Ke Cheekhne Kee Aawaaz Aayi Aur Jordaar Dhamaaka Hua.
Thodi Der Baad Ek Mini Truck Wahaan Se Gujra. Uska Driver Bhi Chele Ko Dutkarte Hue Aage Chalaa Gaya.
Kuchh Samay Ke Baad Phir Brakes Ke Cheekhne Kee Aawaaz Aur Fir Dhadaam !
Guruji Phir Bole: Jaisi Prabhu Kee Ichchha !
Ab Chele Se Nahi Rahaa Gaya Aur Bola: Guruji Prabhu Ki Ichchha Toh Theek Hai Par Kaisa Rahe Yadi Ham Is Board Par Seedhe-Seedhe Likh Dein Ki:
AAGE PULIYA TOOTI HUI HAI !!!